सुन्दर रहनको लागि माधुरी दीक्षितले प्रयोग गर्छिन् यी घरेलु उपाय

एजेन्सी । बलिउड अभिनेत्री माधुरी दीक्षित आज पनि आफ्नो सुन्दरताले सबैको मन जित्छिन् ।

५७ वर्षको उमेरमा पनि उनको निखार र चमक यस्तो छ कि हरेकले छालाको रहस्य जान्न चाहन्छन् । माधुरीले आफ्नो स्किन केयरमा एक विशेष घरेलु उपाय प्रयोग गर्छिन् । त्यो हो, गुलाबको पानीबाट बनेको होममेड टोनर ।

उक्त टोनर बनाउन अत्यन्त सजिलो छ । यसका लागि ताजा गुलाबका पत्रहरूलाई सफा पानीमा मन्द आगोमा केही मिनेटसम्म उमाल्नुपर्छ । जब गुलाबका पत्रहरूको रङ्ग पानीमा उत्रन्छ, तब यसलाई छानेर एउटा स्प्रे बोतलमा भरिन्छ । यो टोनरलाई दैनिक बिहान र राति छालामा स्प्रे गर्न सकिन्छ वा कटन प्याडको सहायताले लगाउन सकिन्छ ।

गुलाब पानी टोनरले छालालाई हाइड्रेट गर्छ र यसको छालाको पीएच लेभललाई कायम राख्छ । गर्मीको मौसममा यसले सनबर्न, सुनिने र पोल्ने जस्ता समस्याहरूमा राहत दिन्छ । साथै यसले छालालाई शीतलता प्रदान गर्छ । माधुरी दीक्षित यसलाई मेकअप रिमुभरको रूपमा पनि प्रयोग गर्दछिन् ।

पहिले उनी मेकअप हटाउनका लागि गुलाबजल टोनरको प्रयोग गर्दछिन्, त्यसपछि अनुहार धोएपछि फेरि यसलाई अनुहारमा लगाउँछिन् । टोनर पछि माधुरी भिटामिन सी सिरम, हल्का मोइस्चराइजर, अन्डरआईक्रिम र लिप बाम प्रयोग गर्दछिन् ।