दुर्गा प्रसाईंलाई आजै अदालतमा पेस गर्ने तयारी

काठमाडौं । तीनकुनेमा चैत १५ गते भएको हिंसात्मक प्रदर्शनका ‘कमाण्डर’ दुर्गा प्रसाईंलाई आजै अदालतमा पेस गर्ने तयारी गरिएको छ ।

प्रसाईंलाई अहिले भद्रकालीस्थित जिल्ला प्रहरी परिसर काठमाडौंमा राखिएको छ । उनलाई हत्कडीसहित थुनुवा विफ लगाएर राखिएको छ ।

प्रसाईंलाई आज (शुक्रबार) झापाको भद्रपुर विमानस्थल हुँदै बुद्ध एअरको जहाजबाट काठमाडौं ल्याइएको हो ।

प्रसाईं यही चैत १५ गते तीनकुनेको प्रदर्शनस्थलबाट फरार भएका थिए । उनले बिहीबार भारतको आसाम प्रहरीसँग आत्मसमर्पण गरेका थिए । भारतीय प्रहरीले उनलाई काँकडभिट्टा ल्याएर नेपाल प्रहरीलाई बुझाएको थियो ।