रातो मच्छिन्द्रनाथको जात्राः पुल्चोक पुर्याइयो रथ बनाउने पाङ्ग्रा (तस्विरहरु)

काठमाडौँ । रातो मच्छिन्द्रनाथ र मिननाथको पवित्र स्नान (महास्नान) सम्पन्न भएपछि वर्षा र समृद्धिका देवता रातो मच्छिन्द्रनाथको रथ निर्माणका लागि प्रयोग हुने पांग्राहरू हालै जावलाखेलबाट पुल्चोक ल्याइएको छ । 

रथ करिब ४८ फिट अग्लो हुन्छ र यसलाई नाङ्लो, कील नलगाईकन, काठ मात्र प्रयोग गरेर निर्माण गरिन्छ । रथको अगाडिको भाग ‘धमा’ भनिन्छ । जुन नागदेवता कर्कोटक नागको प्रतीक हो र सन्तुलनका लागि अत्यन्तै महत्वपूर्ण मानिन्छ ।

रातो मच्छिन्द्रनाथ जात्रा नेपालकै सबैभन्दा लामो रथ जात्रा हो । जुन ललितपुरका गल्लीहरू हुँदै महिनौँसम्म तानिन्छ। जात्राको अन्त्यमा जावलाखेलमा ’भोटो जात्रा’ मनाइन्छ । जहाँ पवित्र भोटो सर्वसाधारणलाई देखाइन्छ ।

महास्नान लगनखेलमा विशेष तान्त्रिक विधिबाट सम्पन्न गरिएको थियो, जसले रथ निर्माण र सुरु हुने जात्राको तयारीको औपचारिक सुरुवात हो । बाँकी तस्विरमा हेर्नुहोस्ः