नोबेल पुरस्कार विजेता ल्याटिन अमेरिकी लेखक ल्वोसाको निधन
काठमाडौं । प्रसिद्ध साहित्यकार तथा साहित्यतर्फ नोबेल पुरस्कार प्राप्त लेखक मारियो वर्गस ल्वोसाको निधन भएको छ । ८९ वर्षको उमेरमा आइतबार पेरुको राजधानी लिमामा ल्वोसाको निधन भएको हो । ल्वोसाका पारिवारिक सदस्यहरूले संयुक्त रूपमा हस्ताक्षर गरेर सूचना जारी गर्दै उनको निधन भएको जानकारी दिएका छन् । ८९ वर्षे जीवनमा पत्रकार, राजनीतिक अभियन्ता, नेता तथा लेखकको रूपमा […]
काठमाडौं । प्रसिद्ध साहित्यकार तथा साहित्यतर्फ नोबेल पुरस्कार प्राप्त लेखक मारियो वर्गस ल्वोसाको निधन भएको छ ।
८९ वर्षको उमेरमा आइतबार पेरुको राजधानी लिमामा ल्वोसाको निधन भएको हो । ल्वोसाका पारिवारिक सदस्यहरूले संयुक्त रूपमा हस्ताक्षर गरेर सूचना जारी गर्दै उनको निधन भएको जानकारी दिएका छन् ।
८९ वर्षे जीवनमा पत्रकार, राजनीतिक अभियन्ता, नेता तथा लेखकको रूपमा रहेका ल्वोसा ल्याटिन अमेरिकी लेखकहरूमा उम्दा लेखक हुन् । तनावपूर्ण पारिवारिक वातावरणमा हुर्केका उनको बाल्यकाल आमाको साथमा आफ्नो मामाघरमा बितेको थियो ।
कलिलो उमेरबाटै लेखनमा सक्रिय ल्वोसाले सन् १९६३ मा लेखेको उपन्यास ‘द टाइम अफ द हिरो’बाट एकाएक चर्चा र विवादको घेरामा पुगे । पेरुको सेनामा हुने गतिविधि तथा त्यहाँका प्रवृत्तिलाई लिएर लेखिएको उपन्यास आम मानिसहरू माझ असाध्यै लोकप्रिय भएको थियो ।
सन् २०१० मा साहित्यको लागि उनले नोबेल पुरस्कार जितेका थिए ।
What's Your Reaction?
