पाकिस्तानले तीन दिनमा गर्‍यो दोस्रो क्षेप्यास्त्र परीक्षण

काठमाडौं । पाकिस्तानले सोमबार अर्को क्षेप्यास्त्र परीक्षण गरेको छ ।

पाकिस्तानी सेनाले यो सतहदेखि सतहसम्म प्रहार गर्न सक्ने क्षेप्यास्त्रको दायरा १२० किलोमिटर रहेको बताएको छ ।

यसअघि मे ३ मा पाकिस्तानले अब्दाली नामक ब्यालिस्टिक क्षेप्यास्त्रको सफलतापूर्वक परीक्षण गरेको बताएको थियो । यो क्षेप्यास्त्रको दायरा ४५० किलोमिटर रहेको बताइएको छ ।

आणविक शक्तिसम्पन्न पाकिस्तान र भारतबीच बढेको तनावको बीचमा यी परीक्षण प्रक्षेपण भएको हो ।

“प्रक्षेपणको उद्देश्य सेनाको परिचालन तयारी सुनिश्चित गर्नु र क्षेप्यास्त्रको उन्नत नेभिगेसन प्रणाली र बढेको शुद्धता सहित प्रमुख प्राविधिक प्यारामिटरहरू प्रमाणित गर्नु थियो,” इन्टर-सर्भिसेज पब्लिक रिलेसन्सको विज्ञप्तिमा भनिएको छ ।

Pakistan today conducted a successful training launch of a FATAH Series surface-to-surface missile with a range of 120 kilometers as part of ongoing Ex INDUS.

The launch was aimed at ensuring the operational readiness of troops and validating key technical parameters, including… pic.twitter.com/bLGYLMdlXS

— PTV News (@PTVNewsOfficial) May 5, 2025