झापा र मोरङ ब्राउनसुगरसहित पाँच जना पक्राउ

झापा, ९ जेठ । मोरङ र झापाको विभिन्न स्थानहरुबाट लागुऔषध सहित पाँच जनालाई प्रहरीले पक्राउ गरेको छ ।

जेठ ८ गते लागुऔषध नियन्त्रण व्यूरो विराटनगरबाट खटिएको प्रहरी टोलीले मोरङको बिराटनगर महानगरपालिका–१५ स्थितबाट मोरङको सुन्दर हरैचा नगरपालिका–१० का समिन दर्जी र २२ वर्षीय निखिल रमतेललाई ब्राउन सुगर १ ग्राम ३ सय ३० मिलिग्राम सहित पक्राउ गरेको छ ।

त्यसैगरी, प्रहरी चौकी टाघनडुब्बा झापाबाट खटिएको प्रहरी टोलिले झापाको झापा गाउँपालिका–४ का २२ वर्षीय अनुरोध ताजपुरिया र १९ वर्षीय कुबेर कुमार ताजपुरीयालाई ८ सय मिलिग्राम ब्राउनसुगर सहित पक्राउ गरेको हो भने लागूऔषध नियन्त्रण ब्यूरो काँकरभिट्टाले झापाको मेचीनगर नगरपालिका–६ स्थितबाट मेचीनगर–७ इटाभट्टाका २५ वर्षीय घनश्याम माझीको साथबाट ब्राउन सुगर ७ सय ६० मिलिग्राम फेला पारी नियन्त्रणमा लिएको हो ।

The post झापा र मोरङ ब्राउनसुगरसहित पाँच जना पक्राउ appeared first on Jhapa Online.