प्रतिपक्षीको संसद् अवरोधको अडानप्रति एमालेको प्रतिक्रिया : बाँदर रूखमा चढेपछि हाँगा हल्लिन्छ

काठमाडौं । गृहमन्त्री रमेश लेखकको राजीनामा माग गर्दै आगामी संसद् बैठकमा थप चर्को रूपमा प्रस्तुत हुने प्रतिपक्षी दलको तयारीप्रति एमालेले प्रतिक्रिया जनाएको छ ।

एमालेका प्रमुख सचेतक महेश बर्तौलाले संसद् भवन बाहिर विपक्षीको तयारीबारे प्रतिक्रिया दिएका हुन् । ‘बाँदर रूखमा चढेपछि हाँगा हल्लिन्छ । उहाँहरूको शैलीबारे सबैले बुझ्नुभएकै छ,’ उनले भने ।

प्रतिपक्षी दलले जेठ १५ गते बजेट पेस गर्नैपर्ने संवैधानिक दायित्वलाई ख्याल गर्दै बिहीबार संसद् सञ्चालन गर्न दिएको थियो ।

आगामी बैठकमा गृहमन्त्रीको भिजिट भिसा प्रकरणलाई लिएर थप चर्को रूपमा प्रस्तुत हुने जानकारी उनीहरूले सदनमै पनि सभामुखलाई जानकारी गराएका छन् ।