झापामा मोटरसाइकल दुर्घटना, सशस्त्र प्रहरी नायव निरीक्षकको मृत्यु

झापा, २५ जेठ । झापाको कमल गाउँपालिकामा गएराति मोटरसाइकल दुर्घटना हुँदा एक जना सशस्त्र प्रहरी नायव निरीक्षकको मृत्यु भएको छ।

पूर्वपश्चिम राजमार्गमा पर्ने कमल–३ सानो केर्खामा प्र १–०२–००५२ प ७०२९ नम्बरको मोटरसाइकल दुर्घटना हुँदा सशस्त्र प्रहरी नायब निरीक्षक ४८ वर्षीय पुरनलाल राजवंशीको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक खगेन्द्रबहादुर खड्काले जानकारी दिनुभयो ।

मोरङ कानेपोखरी गाउँपालिका–४ घर भएका उनी हाल इलाम सशस्त्र प्रहरी बल (बीओपी) को समालबुङ पोस्टमा कार्यरत थिए । पूर्वपश्चिम राजमार्गअन्तर्गत बिर्तामोडबाट केर्खातर्फ जाँदै गरेको मोटरसाइकल अनियन्त्रित भई दुर्घटना हुँदा गम्भीर घाइते भएका राजवंशीको बिर्तामोडस्थित बीएण्डसी अस्पतालमा उपचारका क्रममा मृत्यु भएको हो ।

The post झापामा मोटरसाइकल दुर्घटना, सशस्त्र प्रहरी नायव निरीक्षकको मृत्यु appeared first on Jhapa Online.