अग्रसेन बिर्तामोडका अध्यक्ष सुरेशकुमार अग्रवाल ‘अग्र श्री शिरोमणि’बाट पुरस्कृत

झापा, ३१ जेठ । झापाको बिर्तामोडस्थित अग्रसेन भवनका अध्यक्ष सुरेशकुमार अग्रवाल ‘भद्रपुरे’ पुरस्कृत हुनुभएको छ ।

जुन १२ तारिख (जेठ २९ गते) भारतको राजस्थानस्थित धर्मनगरी श्री खाटु श्याम धाममा आयोजित अन्तर्राष्ट्रीय अग्रवाल सम्मेलनको द्वितीय अग्र विभूति अलंकरण समारोहमा ‘अग्र श्री शिरोमणि पुरस्कार’बाट उहाँ सम्मानित हुनुभएको हो । विश्वभरका ३७ जनामध्ये अग्रश्री शिरोमणि पुरस्कारबाट समाज सेवाको क्षेत्रमा अग्रणी भूमिका निर्वाह गर्नुभएकोमा उहाँलाई उक्त पुरस्कारसहित सम्मानित गरिएको हो ।

सामाजिक सेवाको क्षेत्रमा गरिमामय पुरस्कार हासिल गर्न आफूलाई योग्य बनाउनु सहयोग गर्ने सबैप्रति पुरस्कृत व्यक्तित्व भद्रपुरेले धन्यवाद ज्ञापन गर्नुभएको छ । पुरस्कृत भएर अग्रवाल समाज र मारवाडी समाजको गौरव बढाएको भन्दै अग्रसेन भवन बिर्तामोडका कार्यवाहक अध्यक्ष दिपेन्द्रकुमार अग्रवालले बधाइ ज्ञापन गर्नुभएको छ ।

The post अग्रसेन बिर्तामोडका अध्यक्ष सुरेशकुमार अग्रवाल ‘अग्र श्री शिरोमणि’बाट पुरस्कृत appeared first on Jhapa Online.