इजरायलमा इरानको आक्रमणमा परी २१ जना घाइते

काठमाडौं । इजरायलको आपत्‌कालीन सेवा मेगन डेभिड एडोम (एमडीए) ले इरानी हवाई आक्रमणमा घाइते भएका २१ जनालाई अस्पताल भर्ना गरिएको जनाएको छ ।

यी आक्रमणहरू इजरायलको मध्य तटीय क्षेत्रमा भएका थिए ।

एमडीएले सामाजिक सञ्जाल प्लेटफर्म एक्समा जानकारी गराएको छ, “घाइतेमध्ये एकको अवस्था अत्यन्तै गम्भीर छ । केही मानिसहरू गम्भीर घाइते छन् भने अरूलाई सामान्य चोटपटक लागेको छ ।”

इजरायलले शुक्रबार इरानका विभिन्न स्थानमा आक्रमण गरेपछि बदलामा इरानले इजरायलमाथि ब्यालिस्टिक क्षेप्यास्त्र प्रहार गरेको थियो ।

इजरायली आक्रमणपछि इरानका सर्वोच्च नेता अली खामेनीले इजरायललाई ठूलो क्षति पुर्‍याउने बताएका थिए । –बीबीसीबाट