प्रधानमन्त्रीसँगको प्रश्नोत्तर रोकियो, रास्वपाले गर्‍यो संसद् बहिष्कार

काठमाडौं । प्रतिनिधिसभामा प्रधानमन्त्रीसँगको प्रश्नोत्तर रोकिएको छ । राष्ट्रिय स्वतन्त्र पार्टी र राष्ट्रिय प्रजातन्त्र पार्टीका सांसदहरूले उठेर विरोध जनाएपछि सभामुख देवराज घिमिरेले प्रश्नोत्तर कार्यसूचीबाट हटाएका छन् ।

सभामुख घिमिरले रास्वापालाई प्रधामन्त्रीको प्रश्नोत्तरमा अवरोध नगर्न आग्रह गरेका थिए । अवरोध कायमै भएपछि उनले विशेष कारण बताउँदै प्रश्नोत्तर कार्यसुचीबाट हटाएका हुन् । बैठकअघि पनि रास्वपासँग सभामुखले छलफल गरेका थिए ।

प्रधानमन्त्रीसँगको प्रश्नोत्तर राेके पनि बैठक अगाडि बढाएपछि रास्वपाले बैठक नै बहिष्कार गरेको ।

रास्वपा सांसद मनिष झाले भने, ‘हामी प्रधानमन्त्रीज्यूलाई हाम्रो केही कुरा सुनाउन चाहन्थ्यौ तर उहाँले त्यो कुरा सुन्न चाहनुभएन। बैठकमा हाम्रो कुरा नसुनेर निस्किनुभयो । सर्थ हामीले, आज राष्ट्रिय स्वतन्त्र पार्टीका सबै सांसदहरूले आफ्नो कुरा बोल्न पनि नपाउने र आफ्नो कुरा प्रधानमन्त्रीले नसुनिदिने भएको हुनाले बैठक बहिष्कार गरेर निस्किएका छौँ ।’