गाजामा इजरायली आक्रमणमा परी ४१ जनाको मृत्यु, सात सैनिक पनि मारिए

काठमाडौं । गाजामा इजरायली आक्रमणमा परी ४१ जनाको मृत्यु भएको छ ।

गाजा अस्पतालका अनुसार बुधबार भएको आक्रमणमा ४१ जना मारिएका हुन् । जसमा सहयोग वितरण केन्द्रमा रहेका १४ जनासमेत समावेश छन् ।

गाजामा सात इजरायली सैनिक मारिए

दक्षिणी गाजामा भएको विस्फोटमा सात इजरायली सैनिकको पनि मृत्यु भएको छ ।

इजरायली प्रधानमन्त्री बेन्जामिन नेतन्याहूले “इजरायलका जनताका लागि यो धेरै कठिन दिन” भन्दै एक्समा लेखेका छन्, “हाम्रा लडाकुहरूले हमासलाई हराउन र गाजा पट्टीको दक्षिणमा हाम्रा बन्धकहरूलाई मुक्त गर्नको लागि लडाइँमा शहीद भए ।”