फोहोरमैला कर्मचारी हुँ भनी १३ लाखभन्दा बढी ठगी गर्ने युवक पक्राउ

काठमाडौं।

आफूलाई काठमाडौं महानगरपालिकाको फोहोरमैला विभागको कर्मचारी भएको भनी १३ लाख २५ हजारभन्दा बढी रकम असुली गर्ने एक युवकलाई प्रहरीले नियन्त्रणमा लिएको छ।

पक्राउ परेका व्यक्ति राजु लामा (वर्ष २८) हुन्, जो दोलखा जिल्ला, सैलुङ गाउँपालिका–२ घर भई हाल काठमाडौं–६ मा बसोबास गर्दै आएका थिए। प्रहरीले उनीमाथि ठगी र सरकारी नक्कली परिचय प्रयोग गरी रकम असुली गरेको आरोपमा अनुसन्धान गरिरहेको जनाएको छ।

प्रहरी वृत्त नयाँ बानेश्वरबाट खटिएको टोलीले काठमाडौं–३१ स्थित वडाअन्तर्गतका घरहरूमा रकम उठाउँदै गरेको अवस्थामा उनलाई नियन्त्रणमा लिएको हो।