आतंकी गतिविधि ऋषि कश्यपको भूमि काश्मिरमा कहिलेसम्म ?

काश्मीर उपत्यका लक्षित आक्रमणका लागि पाकिस्तानी एजेन्सीद्वारा हाइब्रिड आतंकवादी परिचालन 

नयाँ दिल्ली। पाकिस्तानस्थित आतंकवादी समूहहरुले जम्मु र कश्मीरमा शान्ति र समृद्धिको अवस्थालाई बिगार्नका लागि हाइब्रिड आतंकवादीहरुको उपयोग गरिरहेको एक उच्च सुरक्षा स्रोतले जानकारी दिएको छ। 

श्रीनगरमा आतंकवादीहरुको समूहले दुई शिक्षकको हत्या गरेपछि हाइब्रिड आतंककारीको प्रयोग गरिएको खुलासा भएको हो । 

यी लक्षित हत्याका लागि यी आतंकवादी समूहहरुद्वारा प्रयोग गरीरहेका हाइब्रिड आतंकवादीहरु सामान्यतया विभिन्न जागिरमा संलग्न हुने साना हतियारहरु प्रयोग गरी हत्या गर्ने गरेको खुलासा भएको हो। उनीहरु उक्त घटनापति आफ्नो सामान्य दिनचर्यामा फर्किने गरेको र यसले उनीहरुमाथि आशंका पनि नहुने भएकोले हाइब्रिड आतंककारी परिचालन गर्न लागिएको बताइएको छ। 

Image Credit: World Atlas

उनीहरुले सुरक्षा बलले यी धेरै युवाहरुको बारेमा जानकारी प्राप्त गरेको र कडा कारबाही चलिरहेको जनाएको छ।स्रोतहरुका अनुसार त्यस्ता युवाहरुको संख्या एकदमै महत्वपूर्ण र उनीहरुको पहिचान छिटो भइरहेको बताएको छ।

केन्द्र शासित क्षेत्र विगत तीन दिनमा धेरै आतंकवादी हमलाहरु रिपोर्ट गरिएको छ। श्रीनगरको ईदगाह क्षेत्रको एक सरकारी विद्यालयमा बिहीबार भएको आतंकवादी हमलामा दुई शिक्षक मारिएका थिए। 

यसअघि बुधबार श्रीनगरमा एक सडक फेरीवालालाई आतंककारीले गोली हानी हत्या गरेका थिए। यो घटना मदिना चौक, लालबाजार नजिकै भएको थियो जहाँ आतंकवादीहरुले वीरेन्द्र पासवानमाथि गोली चलाएका थिए।

पासवान बिहारको भागलपुर जिल्लाका बासिन्दा हुन् र सडक ब्यापार गर्दै आएका थिए।  साथै, एक व्यापारी, माखनलाल बिन्द्रो, मंगलबार साँझ श्रीनगरमा आतंकवादीहरुद्वारा मारिए। 

यी सबै घटनाहरुलाई विशेष्लेषण गरिसकेपछि प्रहरीले हाइब्रिड आतंककारी प्रयोग भएको जनाएको हो।