वैदेशिक रोजगारीका लागि विभिन्न देश पठाउने भन्दै रकम ठग्ने तीन जना पक्राउ

काठमाडौँ । वैदेशिक रोजगारीका लागि विभिन्न देश पठाइदिने भन्दै रकम ठगी गर्ने तीन जना पक्राउ परेका छन् । पक्राउ पर्नेमा ४१ वर्षीय रविन कोइराला, ३६ वर्षीय पदम बहादुर भुजेल र ४१ वर्षीय कार्त्तिक लाल राजवंशी रहेका छन् ।

पक्राउ परेकामध्ये रविन कोइरालाले एक जनालाई अष्ट्रेलिया पठाउने भन्दै एक लाख रुपैयाँ, पदम बहादुर भुजेलले एक जनालाई सर्बिया पठाउने भन्दै तीन लाख रुपैयाँ र कार्त्तिक लाल राजवंशीले एक जनालाई अल्बानिया पठाउने भन्दै ७ लाख ७० हजार रुपैयाँ ठगी गरेको प्रहरीले जनाएको छ ।

पीडितहरूले दिएको जाहेरीका आधारमा प्रहरीले उनीहरूलाई काठमाडौँ उपत्यकाको विभिन्न स्थानहरूबाट पक्राउ गरेको हो ।

हाल उनीहरूलाई थप अनुसन्धान तथा आवश्यक कारवाहीका लागि वैदेशिक रोजगार पठाइएको प्रहरीले जनाएको छ ।