बङ्गलादेशसामु नेपाल निरीह, ५२ रनमा अलआउट

काठमाडौं । यू–१९ महिला विश्वकप क्रिकेटमा बङ्गलादेशसामु नेपालको ब्याटिङ निरीह बनेको छ ।

मलेसियाका बाङ्गीस्थित वाइएसडी–यूकेएल क्रिकेट ओभलमा जारी डेब्यू खेलमा नेपाल १८.२ ओभरमा ५२ रन बनाएर अलआउट भएको हो ।

बङ्गलादेशको कसिलो बलिङमा नेपालको ब्याट चल्न सकेन । नेपालका लागि साना प्रविनले सर्वाधिक १९ रन बनाइन् । सीमाना केसीले १० रनको योगदान गरिन् । अन्य खेलाडीले दोहोरो अङ्कको रन बनाउन सकेनन् ।

बङ्गलादेशका लागि भने जन्नतुल माउआले २ तथा सुमैया अख्तर सुवर्णाले र निशिता अख्तर निशीले १–१ विकेट लिइन् ।

टस जितेर बङ्गलादेशले बलिङ रोजेसँगै नेपाल ब्याटिङमा उत्रिएको हो ।