६ महिनामै नेपाल भित्रियो झण्डै ३५ करोडको लेज र कुर्कुरे 

काठमाडौँ । पछिल्लो ६ महिनामा झण्डै ३५ करोड मूल्य बराबरको लेज र कुर्कुरे आयत गरिएको छ । 

चालु आर्थिक वर्षको ६ महिना (साउनदेखि पुषसम्म)मा नेपालमा ३४ करोड ८६ लाख ९४ हजार रुपैयाँको लेज, कुर्कुरे र कुर्मुरे आयात गरिएको हो । 

उक्त मूल्यको लेज, कुर्कुरे र कुर्मुरे ६ लाख ७१ हजार १ सय ९४ किलो तौलको रहेको भन्सार विभागले जनाएको छ । विभागका अनुसार उक्त मूल्य बराबरको लेज, कुर्कुरे र कुर्मुरेको आयात हुँदा २१ करोड ८१ लाख २७ हजार रुपैयाँ राजस्व संकलन भएको छ । 

नेपाल आयात गरिएका लेज, कुर्कुरे र कुर्मुरेहरु भियतनाम, टर्की, मेक्सिको, मलेसिया, दक्षिण कोरिया र भारत लगायत ९ मुलुकबाट आयात भएको छ । जसमध्ये सबैभन्दा भारत, मलेसिया र दक्षिण कोरियाबाट आयात भएको विभागले जनाएको छ ।