यस्तो छ आजको मौसम : तराई‍-मधेसमा हुस्सु र कुहिरो निरन्तर

काठमाडौं । तराई मधेसका धेरै स्थानमा आज पनि हुस्सु र कुहिरो लागेको छ । यो क्रम करिब डेढसातायता निरन्तर छ ।

तराई मधेसमा बाक्लो हुस्सुका कारण जनजीवन नै प्रभावित हुने गरेको छ ।

देशका केही पहाडी क्षेत्रमा आंशिक बदलीको सम्भावना रहेको मौसम पूर्वानुमान महाशाखाले जनाएको छ ।

महाशाखाका अनुसार कोशी, गण्डकी, कर्णाली र सुदुरपश्चिम प्रदेशका पहाडी भूभागमा आंशिक बदली हुनेछ । बाँकी क्षेत्रमा मौसम सफा रहनेछ ।

बिहान देशका तराई तथा उपत्यकामा हुस्सु तथा कुहिरो लागेकोले दैनिक जनजीवन, कृषि, स्वास्थ्य, यातायात तथा हवाई उडानमा असर पर्न सक्ने हुँदा सतर्कता अपनाउन महाशाखाले अनुरोध गरेको छ ।