पुलिसलाई हराउँदै ब्ल्याक बुल्स च्याम्पियन

काठमाडौं। उज्वेकिस्तानको ब्ल्याक बुल्स एफसीले २४ औं आहा रारा पोखरा गोल्डकप फुटबल प्रतियोगिताको उपाधि जितेको छ ।

शनिबार भएको फाइनलमा ब्ल्याक बुल्सले नेपाल पुलिस क्लबलाई ३–१ गोलअन्तरले पराजित गर्दै उपाधि जितेको हो।
प्रतियोगितामा अविजित रहँदै ब्ल्याक बुल्सले उपाधि जित्यो । प्रतियोगितामा ब्ल्याक बुल्सको यो पहिलो सहभागीता हो ।

ब्ल्याक बुल्सका लागि जोखोन्गिर अख्मादोभ, असिलबेक ओरिफजोनोभ र साभकात्जोन सातोरोभले गोल गरे ।

खेलको ४० औं मिनेटमा जोखोन्गिरले, ५८ औं मिनेटमा असिलबेक र ६६ औं मिनेटमा साभाकात्जोनले गोल गरे । ब्ल्याक बुल्सले ७७ औँ मिनेटमा आत्मघाती गोल गर्दा पुलिसले १ गोल पाएको थियो ।

यससँगै अविजित रहँदै ब्ल्याक बुल्स एफसी आहा रारा पोखरा गोल्डकपको उपाधि जित्ने दोस्रो विदेशी टोली बनेको छ । यसअघि, अफ्रिकन युनाइटेड्सले जितेको छ ।

पुलिस भने उपविजेतामा नै सिमित भएको छ ।