बिर्तामोडमा भएको दुर्घटनाका घाइते राजवंशीको मृत्यु

बिर्तामोड, १५ फागुन । झापाको बिर्तामोड नगरपालिका–२ स्थित भित्री सडक खण्डमा भएको मोटरसाइकल दुर्घटनाको घाइतेको आज मृत्यु भएको छ ।

गत फागुन १३ गते बिर्तामोड नगरपालिका–२ स्थित भित्री सडक खण्डमा लालमाटीचोकबाट रामचोकतर्फ आउँदै गरेको म प्र ०३–०२५ प ९५०१ नम्बरको मोटरसाइकल आफै अनियन्त्रित भई बिजुलीको पोलमा ठोक्किएर दुर्घटना भएको थियो ।

उक्त दुर्घटनामा मोटरसाईकल चालक जिल्ला झापा कचनकवल गाउँपालिका–३ का १९ वर्षीय गोविन्द राजवंशीको टाउको, अनुहार र खुट्टामा चोट लागेर बीण्डसी अस्पताल बिर्तामोडमा उपचार भइरहेकोमा आज दिउँसो उपचारको क्रममा मृत्यु भएको हो ।

मोटरसाइकल पछाडि सवार सोही स्थानका १८ वर्षीय अमित राजाको छातिमा चोट लागेको छ । उनको सोही अस्पतालमा उपचार भइरहेको जिल्ला प्रहरी कार्यालय झापाले जनाएको छ ।

The post बिर्तामोडमा भएको दुर्घटनाका घाइते राजवंशीको मृत्यु appeared first on Jhapa Online.