बागमतीले गण्डकीलाई दियो विशाल लक्ष्य, इशान र शुभको अर्धशतक

काठमाडौं । प्रधानमन्त्री कप क्रिकेटमा बागमतीले गण्डकीलाई २८९ रनको लक्ष्य दिएको छ ।

सिद्धार्थनगरस्थित सिदार्थ क्रिकेट स्टेडियममा जारी खेलमा बागतमीले पूरै ओभर खेलेर ८ विकेटको क्षतिमा २८८ रन बनाएको हो ।

बागतमीका लागि इशान पाण्डे र शुभ कङ्साकारले अर्धशतकीय पारी खेले । इशानले ८२ बलमा ६ विकेटको क्षतिमा ६९ रन बनाए । शुभले भने ५१ बलमा ९ चौका प्रहार गर्दै ५२ रन बनाए । विवेक मगरले ३४ रन बनाए ।

गण्डकीका लागि अर्जुन कुमालले ४ विकेट लिए । अर्जुनले ७ ओभरमा ४० रन खर्चे । सो क्रममा उनले १ मेडन फाले ।

सुवास भण्डारले २ विकेट लिए । उनले १० ओभरमा ३१ रन खचे । सो क्रममा ४ मेडन ओभर फाले ।