केही उच्च पहाडी तथा हिमाली क्षेत्रमा वर्षासहित हिमपात

काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल देशमा पश्चिमी र स्थानीय वायुको आङ्शिक प्रभाव रहेको जनाएको छ ।

महाशाखाका अनुसार कोशी, गण्डकी र कर्णाली प्रदेशको पहाडी भूभागमा आङ्शिक बदली रही बाँकी भूभागमा मौसम मुख्यतया सफा रहेको छ । गण्डकी प्रदेशका उच्च पहाडी तथा हिमाली भूभागका एकदुई क्षेत्रमा हल्का हिमपात र वर्षा भइरहेको छ ।

आज (बिहीबार) दिउँसो कोशी, मधेश, बागमती र गण्डकी प्रदेशमा आङ्शिक बदली रही बाँकी भूभागमा आङ्सिक बदलीदेखि मौसम मुख्यतया सफा रहने छ ।

कोशी र गण्डकी प्रदेशका उच्च पहाडी तथा हिमाली भूभागका एकदुई स्थानमा हल्का हिमपातको सम्भावना रहेको छ । आज राति कोशी, मधेस, बागमती र गण्डकी प्रदेशमा आङ्शिक बदली रही बाँकी भूभागमा आङ्शिक बदलीदेखि मौसम मुख्यतया सफा रहने छ ।

काठमाडौंको आकाशबाट बादल फाट्न केही दिन लाग्ने