रविलाई आज जिल्ला प्रहरी परिसर काठमाडौंमा राखिने, भोलि भैरहवा लगिने

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेलाई आज जिल्ला प्रहरी परिसर काठमाडौंको हिरासतमा राखिने भएको छ ।

शुक्रबार साँझ निवासबाटै पक्राउ परेका लामिछानेलाई प्रहरीले भोलिमात्रै भैरहवा लाने तयारी गरेको एक प्रहरी अधिकृतले जानकारी दिए ।

बुटवलको सुप्रिम सहकारी प्रकरणमा जिल्ला अदालत रुपन्देहीबाट १ करोड धरौटीमा छुटेका लामिछानेलाई उच्च अदालतको बुटवल इजलासले थुनामा पठाउन शुक्रबार आदेश दिएको थियो ।

सङ्गठित रुपमा सहकारी ठगी गरेको आरोप लागेका उनी अदालतको आदेशलगत्तै आफ्नै निवास बुढानीलकण्ठबाट पक्राउ परेका थिए ।