युक्रेनमा रुसी ड्रोन र मिसाइल आक्रमण, आठ जनाको मृत्यु, ३० घाइते

काठमाडौँ।

युक्रेनमाराति रुसी ड्रोन र मिसाइल आक्रमणमा आठ जनाको मृत्यु भएको छ। युक्रेनी क्षेत्रीय अधिकारीहरूले यी आक्रमणहरूमा ३० भन्दा बढी व्यक्ति घाइते भएको बताएका छन्।

आक्रमणबाट युक्रेनको पश्चिमी खमेलनित्स्की क्षेत्रमा चार जनाको मृत्यु भएको छ। किभ क्षेत्रमा तीन र दक्षिणी शहर माइकोलाइभमा एक जनाको मृत्यु भएको बीबीसीले जनाएको छ।

यो आक्रमण रूसले किभमा गरेको अहिलेसम्मकै सबैभन्दा खराब आक्रमणको एक दिनपछि भएको हो।

रुसको रक्षा मन्त्रालयले शनिबार राति चार घण्टाको अवधिमा मस्कोसहित धेरै रुसी क्षेत्रहरूमा ९५ युक्रेनी ड्रोनहरू हवाई रक्षा प्रणालीले खसालेको बताएको छ।

यद्यपि, यस आक्रमणमा कुनै हताहत भएको रिपोर्ट छैन। युक्रेनी ड्रोन आक्रमणका कारण मस्को विमानस्थलका सबै उडानहरू केही समयका लागि रोकिएका थिए।

-बीबीसीबाट