युवाहरु उद्यमशील बन्नुपर्छ : पार्वत गुरुङ

काठमाडाैं । नेकपा एमालेका नेता एवं पूर्वमन्त्री पार्वत गुरुङले युवाहरु उद्यमशील बन्नुपर्ने बताउनुभएकाे छ ।द बर्गर हाउस एण्ड क्रन्ची फ्राईड चिकेनले बुधबार काठमाडाैंकाे चाबहिलस्थित स्मार्ट पार्टी प्यालेसमा आयाेजना गरेकाे बर्गर बिजनेस कन्फ्रेन्सलाई सम्बाेधन गर्दै नेता गुरुङले युवाहरु उद्यमशील बन्नुपर्ने बताउनुभयाे ।

युवाहरु नै आर्थिक विकासको आधार भएकाे भन्दै उहाँले आर्थिक विकासलाई उचाइ दिन उद्यमशील बन्न जरुरी रहेकाे बताउनुभयाे । एमालेले युवा उद्यमशीलताका लागि काम गर्दै आएकाे भन्दै नेता गुरुङले उद्यमशील बन्न चाहाने युवालाई एमालेले सक्दाे सहयाेग गर्ने पनि बताउनुभयाे ।

राजनीति सेवा भएकाे भन्दै उहाँले यसलाई उत्पादन र उद्यमशीलतासँग जाेड्न आवश्यक रहेकाे बताउनुभयाे । राजनीतिमा भ्रष्टाचार माैलाएकाे चिन्ता व्यक्त गर्दै उहाँले उद्यमशीलतासँग नजाेडिएकै कारण राजनीतिमा भ्रष्टाचार माैलाएकाे बताउनुभयाे ।

नेपालमा केही छैन भनेर निराश हुनुकाे सट्टा यहीँ केही गर्न सकिन्छ भन्ने उद्देश्यसाथ कुनै न कुनै उद्यमशीलतासँग जाेडिन पनि नेता गुरुङले युवाहरुलाई आग्रह गर्नुभयाे । उहाँले भन्नुभयाे - 'सबै युवासाथी उद्यमशील बन्नुस्, विदेशमा मात्रै साेचेर हुँदैन, नेपालकै केही गर्नुपर्छ भन्ने साेचसाथ अघि बढ्नुपर्छ ।'