अमेरिका: उइगरहरूलाई दमन गर्दै आएको चीनलाई अब भारी पर्नेछ, प्रतिनिधिसभाबाट ४२८–१ ले कानुन पारित

अमेरिकी तल्लो सदन हाउस अफ रिप्रिजेन्टेटिभ्सले बुधवार चीनको सिनजियाङ क्षेत्रमा उइगर र अन्य मुस्लिम समूहहरूलाई दबाब दिने श्रम कानूनलाई रोक्ने कानुन पारित गरेको छ। संसदमा मतदानपछि कानून लागू भएको हो। "उइघुर जबरजस्ती श्रम रोकथाम ऐन" लाई ४२८–१ को भारी बहुमतले खुलेर समर्थन गरेको थियो। अब सिनेटमा पठाइनेछ। त्यहाँबाट पारित भएपछि राष्ट्रपतिको मोहर लगाइनेछ।

चीनले सिनजियाङमा  मानवअधिकार हनन् तथा दुव्र्यवहारलाई अस्वीकार  गर्दै आएको छ तर युरोपेली देशहरु लगायत अमेरिकी सरकार र धेरै मानवअधिकारवादी समूहहरूले बेइजिङले त्यहाँ नरसंहार गरिरहेको बताउँछन्।

यो विधेयक पारित भएमा सिनजियाङबाट उत्पादित सामानमा प्रतिबन्ध लगाउन सकिनेछ । रिपोर्टहरूका अनुसार चिनियाँ सरकारले उइगर र अन्य मुस्लिम अल्पसंख्यकहरूका लागि डिटेन्सन क्याम्पहरु स्थापना गरेको छ।