हरिकुलका सञ्चालकलाई पितृ शोक

कनकाई, १९ पुस । झापाको कनकाई–३ सुरुङ्गामा रहेको हरिकुल नमूना माध्यमिक विद्यालय सञ्चालक परिवारलाई पितृ शोक परेको छ ।

हरिकुल नमूना माध्यमिक विद्यालयका सञ्चालक अशोक थापा, डम्बरबहादुर थापा, राजु थापा, अन्जु पाण्डे थापा र मिना सुवेदी (थापा) र विद्यालयकी प्रबन्ध निर्देशक गृशा रावल थापालाई पितृ शोक परेको हो । थापा परिवारका पिता इन्द्रबहादुर थापाको ७८ वर्षको उमेरमा आज निधन भएको छ ।

विभिन्न रोगबाट पीडित थापाको उपचारकै क्रममा बिर्तासिटी अस्पताल बिर्तामोडमा आज साझ निधन भएको लायन्स क्लब अफ कनकाई सुरुङ्गाका पूर्व अध्यक्ष मनोज बस्नेतले जानकारी दिनुभयो । स्वर्गीय इन्द्रबहादुका जेठो छोरा अशोक थापा बाहिर रहेकाले उनीआएपछि मात्रै अन्त्येष्टि गरिने जनाइएको छ ।

The post हरिकुलका सञ्चालकलाई पितृ शोक appeared first on Jhapa Online.