आर्मीविरुद्ध पुलिसको सामान्य योगफल, आलमले लिए ७ विकेट

काठमाडौं । जय ट्रफी एलिट कप क्रिकेटमा त्रिभुवन आर्मी क्लबविरुद्ध नेपाल पुलिस क्लबले १३३ रन बनाएको छ ।

वीरगंजस्थित नारायणी क्रिकेट मैदानमा फाइनलको दोस्रो दिनको खेलमाआफ्नो पहिलो इनिङ्समा पुलिसले ३६.४ ओभरमा ९ विकेटको क्षतिमा १३३ रन बनाएर इनिङ्स डिक्लेयर गरेको हो ।

पुलिसका लागि कुशल भूर्तेलले ५१ रन बनाए। उनले ५६ बलमा ६ चौका प्रहार गर्दै ५१ रन बनाए । मंगलबार खराब मौसमका कारण पहिलो इनिङ्स १७ ओभरमा रोकिँदा कुशल ५० रनमा अविजित थिए ।

पहिलो दिन आर्मीविरुद्ध पुलिसले बनायो ८५ रन, भुर्तेलको अर्धशतक

यस्तै, अर्जुन साउदले २८, अमित श्रेष्ठले २० र राशिद खानले १० रन बनाए । अन्य खेलाडीले दोहोरो अंक छुन सकेनन् ।

आर्मीका लागि साहब आलमले ७ विकेट लिए । आलमले ओभरमा रन खर्चेर विकेट लिए । सो क्रममा उनले मेडन फाले ।

उनले मंगलबार १२.२ ओभरमा अमित श्रेष्ठलाई आउट गरे । १८.४ ओभरमा कुशल भूर्तेललाई, २२.१ मा आरिफ शेख, ३२.४ मा राशिद खान, ३४.२ मा शंकर राणा, ३४.५ मा सर्वन यादव र ३६.४ ओभरमा अर्जुन साउदलाई आउट गरे ।

बसिर अहमद र सोमपाल कामीले १–१ विकेट लिए ।

टस जितेर आर्मीले पहिले बलिङ रोजेको हो । मंगलबार पहिलो दिन पुलिसले १७ ओभरमा २ विकेटको क्षतिमा ८५ रन बनाएको थियो ।