पहिलो क्वालिफायरमा एपीएफ र टाइगर ग्रुप भिड्ने

काठमाडौं । पाँचौं टाइगर कप भलिबलमा महिलातर्फ पहिलो क्वालिफायरमा एपीएफ र टाइगर ग्रुपबीच प्रतिस्पर्धा हुने भएको छ ।

पोखरा रङ्गशालास्थित भलिबल कोर्टमा बुधबार भएको लिग चरणको अन्तिम खेलमा टाइगर ग्रुपलाई ३–० को सोझो सेटमा पराजित गर्दै एपीएफले जित्ने समूहको पहिलो क्वालिफायरमा स्थान पक्का गरेको हो ।

एपीएफले टाइगर ग्रुपलाई पहिलो सेटमा २५–७, दोस्रोमा २५–१७ र तेस्रोमा २५–२० ले पराजित गरेको हो ।

प्रतियोगितामा एपीएफ अविजित रहँदै पहिलो क्वालिफायरमा पुगेको हो । साथै, एपीएफ ‘जित्ने समूह’को विजेता पनि बन्यो । टाइगर ग्रुप भने समूहको उपविजेता बन्दै पहिलो क्वालिफायर पुगेको हो ।

अब एपीएफ र टाइगर ग्रुप आमनेसामने हुनेछन् ।