मोरी डेलेसँग जुध्दा आशिषको तीन ठाउँमा खुट्टा भाँचियो

काठमाडौं । नेपाल-चीनको मैत्रीपूर्ण फुटबल खेलमा नेपाली खेलाडी आशिष राईको तीन ठाउँमा खुट्टा भाँचिएको छ।

शनिबार त्रिपुरेश्वरस्थित दशरथ रङ्गशालामा भएको खेलमा घाइते भएका नेपाली खेलाडी राईको तीन ठाउँमा खुट्टा भाँचिएको एन्फाका प्रवक्ता सुरेश शाहले जानकारी दिए ।

उनका अनुसार तत्काल राईलाई स्टार हस्पिटल पुर्‍याइएको भएतापनी अहिले मेडिसिटीमा भर्ना गर्ने तयारी भइरहेको छ ।

राई खेलको क्रममा ३७ औं मिनेटमा चिनियाँ खेलाडी मोरी डेलेसँग जुध्दा घाइते भएका थिए। डेलेको पनि ब्लुक्रस हस्पिटलमा उपचार भइरहेको छ। उनको भने लिगामेन्टमा मात्र समस्या देखिएको प्रवक्ता शाहले बताए ।