लागुऔषधसहित एक भारतीयसहित दुई जना पक्राउ

झापा, १८ चैत । झापाको मेचीनगर नगरपालिका–५ स्थित नकलबन्दाबाट लागुऔषधसहित एक भारतीय नागरिकसहित दुई जनालाई पक्राउ गरेको छ ।

आज बेलुका मेचीनगर नगरपालिका–५ नकलबन्दामा इलाका प्रहरी कार्यालय नकलबन्दाबाट खटिएको प्रहरी टोलीले भारतबाट मेचीखोलाको बाटो हुँदै पैदल नेपाल तर्फ आउँदै गरेका भारत दार्जिलिङ नक्सालबाडी दयाराम बस्तीका २० वर्षीय विकास बैठा र दमक नगरपालिका–१ दुरसञ्चार टोलका ३६ वर्षीय नगेन्द्र बस्नेतलाई पक्राउ गरेको हो ।

उनीहरुमाथि शंका लागेर चेकजाँच गर्ने क्रममा विकासले लगाएको पेन्टको कम्मरको भागमा लुकाई छिपाई ल्याएको ३ ग्राम लागुऔषध खैरो हिरोइनजस्तो देखिने पदार्थ फेला परेको थियो । उक्त लागुऔषधसहित दुवै जनालाई नियन्त्रणमा लिर्इ आवश्यक कारवाही अघि बढाइएको जिल्ला प्रहरी कार्यालय झापाले जनाएको छ ।

The post लागुऔषधसहित एक भारतीयसहित दुई जना पक्राउ appeared first on Jhapa Online.