टाटाको इभि पञ्च इभी किन्दैहुनुहुन्छ ? पर्खनुस् !, यी हुन् ३ गम्भीर समस्या जसले तपाईंलाई पिरोल्न सक्छ…
काठमाडौँ । नाडा अटो शोको मुख्य प्रायोजक टाटाको टाटा पञ्च इभीमा हल्ला चलेजस्तो आकर्षण नभएको पाइएको छ । विदेशमा टाटाको इभि प्रयोग गरेकाहरुले राम्रो रेस्पोन्स नदिएपछि नेपालमा पनि टाटाको इभि पन्चमा आकर्षण नभएको पाइएको हो । विभिन्न अन्तराष्ट्रिय सञ्चार माध्यम र ब्लगहरुमा यसका प्रयोगकर्ताले यो गाडी राम्रो नभएको र ल्याएको केहि दिनमै समस्या आउन थालेको […]
विभिन्न अन्तराष्ट्रिय सञ्चार माध्यम र ब्लगहरुमा यसका प्रयोगकर्ताले यो गाडी राम्रो नभएको र ल्याएको केहि दिनमै समस्या आउन थालेको प्रतिक्रिया दिएका छन् । अटो पारखीहरुका लागि चर्चित भारतको वेव साइट टिम-बिएचपी डटकमले पनि यो गाडीको गुणस्तरमाथि गाडी खरिदकर्ताले उठाएका प्रश्नहरु समावेश गरेको छ ।
भारतमा अटोसम्बन्धि चर्चित युट्युब च्यानल मोटरइन्कले त यो गाडी नकिन्ने विभिन्न कारणहरु भनेर भिडियो नै पोष्ट गरेको छ र अहिले यो भिडियो भाईरल बनिरहेको छ । सो भिडियोमा पनि धेरैले टाटाको पञ्च इभी गाडीमा समस्या रहेको र यसलाई किन्न सिफारिस नगर्ने बताईरहेका छन् ।
गाडी अपेक्षित नबिकेपछि अहिले सो गाडीको लागि नेपालको आधिकारिक बिक्रेता सिप्रदी ट्रेडिङले बजारीकरणलाई आक्रामक बनाएको छ । तर जति बजारीकरण गरेपनि गाडीमा लाखौँ रुपैयाँ हाल्ने ग्राहकले गुगलमा सामान्य खोजिनिधि गर्दा पनि गाडीको गुणस्तरमा समस्या देखेपछि सो गाडी नकिन्ने निर्णय गरेका हुन् ।
स्मरण रहोस्, टाटा त्यहि कम्पनी हो, जसले नेपाललाई भारतको एउटा राज्य भन्दै दुष्प्रचार गरेर बर्षौंदेखि समान खरिदबिक्री गर्दै आएको छ । यो कम्पनीले झुट बोलेर काठमाडौँ महानगरलाई कमशल गाडी बेचेको भन्दै केहि समयअघि मात्र सिप्रदीलाई महानगरले कारवाही गरेको थियो भने उसका गाडीहरु फर्काएको थियो ।
What's Your Reaction?
