७ करोड मानिसको भोक मेटाउन २०० हात्तीको बलि : जिम्बाब्वेको आपतकालीन निर्णय
हरारे : चालीस वर्ष यताकै चरम भोकमरी देखापरेपछि जिम्बाब्वेमा २०० हात्ती मारेर मासु बाँडिने भएको छ । यहाँका ७ करोड मानिसहरूको खाद्य संकटमा परेपछि सरकारले त्यस्तो निर्णय गरेको हो । भोकमरीसँग जुध्न सरकारले हात्तीहरूलाई मार्ने आदेश दिएको रोयटर्स समाचार एजेन्सीले जनाएको छ । एजेन्सीका अनुसार, जिम्बाब्वेका ४ जिल्लाहरूमा २०० हात्तीहरूलाई मारेर त्यसको मासु विभिन्न समुदायहरूमा […]
हरारे : चालीस वर्ष यताकै चरम भोकमरी देखापरेपछि जिम्बाब्वेमा २०० हात्ती मारेर मासु बाँडिने भएको छ । यहाँका ७ करोड मानिसहरूको खाद्य संकटमा परेपछि सरकारले त्यस्तो निर्णय गरेको हो ।
भोकमरीसँग जुध्न सरकारले हात्तीहरूलाई मार्ने आदेश दिएको रोयटर्स समाचार एजेन्सीले जनाएको छ । एजेन्सीका अनुसार, जिम्बाब्वेका ४ जिल्लाहरूमा २०० हात्तीहरूलाई मारेर त्यसको मासु विभिन्न समुदायहरूमा बाँडिनेछ। जिम्बाब्वे पार्क एण्ड वाइल्डलाइफ अथोरिटीले यो कुराको पुष्टि गरेको छ।
खासमा जिम्बाब्वे पछिल्लो ४ दशकमा सबैभन्दा ठूलो खडेरीको समस्यासँग जुधिरहेको छ। यसका कारण देशको लगभग आधा जनसंख्या खाद्य संकटमा परेको छ। खडेरीले गर्दा देशको पूरै बाली नष्ट भएको छ। यस्तो अवस्थामा जिम्बाब्वेका ६ करोड ८० लाखभन्दा बढी मानिसहरू खाद्य अभावसँग जुधिरहेका छन्।
देशमा हात्तीहरूको संख्या घटाउने पनि लक्ष्य
पार्क एण्ड वाइल्डलाइफ अथोरिटीका प्रवक्ता फरावोले भने – हात्तीहरूको हत्याको पछाडि अर्को उद्देश्य जिम्बाब्वेका निकुञ्जहरूमा हात्तीहरूको संख्या घटाउनु हो। वास्तवमा, जिम्बाब्वेमा करिब १ लाख हात्तीहरू बस्छन्। तर, यहाँका निकुञ्जहरूमा केवल ५५ हजार हात्तीहरूलाई राख्ने ठाउँ छ।
त्यसैगरी, खडेरीका कारण देशका नागरिकहरू र हात्तीहरूबीच सन्तुलन कायम राख्न कठिनाइ बढ्ने आशंका छ। गत वर्ष जिम्बाब्वेमा हात्तीको आक्रमणमा ५० जनाको मृत्यु भएको थियो। यसअघि, जिम्बाब्वेमा सन् १९८८ मा पनि हात्तीहरूलाई काटेर त्यसको मासु बेचिएको थियो।
गत महिना अफ्रिकी देश नामिबियामा पनि खडेरीसँग जुध्न ८३ हात्तीहरूलाई काटेर त्यसको मासु मानिसहरूमा बाँडिएको थियो। हात्तीहरूको संरक्षणका लागि प्रसिद्ध जिम्बाब्वेले लामो समयदेखि संयुक्त राष्ट्रसंघको कन्भेन्शन अन इन्टरनेशनल ट्रेड इन एन्डेन्जर्ड स्पिसिज (साइटिस) बाट हात्तीहरू र तिनका दाँतहरू बेच्ने अनुमति मागिरहेको छ।
यो मागमा जिम्बाब्वेका साथै बोत्स्वाना र नामिबिया पनि सामेल छन्। संसारमा हात्तीहरूको सबैभन्दा बढी जनसंख्या बोत्स्वानामा छ। त्यसपछि जिम्बाब्वेको नम्बर आउँछ। हात्तीहरूको बढ्दो संख्याका कारण यहाँ मानिसहरूको ज्यानमा खतरा रहन्छ। यिनीहरूले आफ्नो बाटोमा आउने बालीनालीका साथै साना बच्चाहरूलाई पनि कुल्चिदिन्छन्।
जिम्बाब्वेसँग ५ हजार करोड मूल्य बराबरको हात्तीको दाँत मौजूद छ। तर, यसको व्यापारमा प्रतिबन्ध लागेको छ। यस्तो अवस्थामा हात्तीको दाँत बेच्ने अनुमति पाएमा यहाँका नागरिकहरूलाई पैसा कमाउने अर्को माध्यम मिल्न सक्छ।
What's Your Reaction?