नेपाली सम्मिलित आप्रवासी टोलीमा मेक्सिकन सेनाले गोली चलायो, ६ जनाको मृत्यु
काठमाडौं । मेक्सिकोमा सेनाहरुले नेपाली सम्मिलित आप्रावासी टोलीमाथि गोली चलाउँदा ६ आप्रवासीको मृत्यु भएको छ । मेक्सिकोको दक्षिणी क्षेत्रतर्फ जाँदै गरेको ३३ जना सवार गाडीमा सेनाले गोली प्रहार हुँदा ६ आप्रवासीको मृत्यु भएको हो । आप्रवासीहरु इजिप्ट, नेपाल, क्युबा, भारत र पाकिस्तानको रहेको रक्षा मन्त्रालयको विज्ञप्तीमा उल्लेख गरिएको छ । मारिएका आप्रावासीहरुको राष्ट्रियता भने खुलाइएको […]
काठमाडौं । मेक्सिकोमा सेनाहरुले नेपाली सम्मिलित आप्रावासी टोलीमाथि गोली चलाउँदा ६ आप्रवासीको मृत्यु भएको छ ।
मेक्सिकोको दक्षिणी क्षेत्रतर्फ जाँदै गरेको ३३ जना सवार गाडीमा सेनाले गोली प्रहार हुँदा ६ आप्रवासीको मृत्यु भएको हो ।
आप्रवासीहरु इजिप्ट, नेपाल, क्युबा, भारत र पाकिस्तानको रहेको रक्षा मन्त्रालयको विज्ञप्तीमा उल्लेख गरिएको छ । मारिएका आप्रावासीहरुको राष्ट्रियता भने खुलाइएको छैन ।
मंगलबार साँझ ग्वाटेमाला नजिकको सिमानामा भएको घटनामा अन्य १० आप्रावासी घाइते भएको त्यहाँको रक्षा मन्त्रालयले जनाएको छ ।
एकदमै तीव्र गतिमा गुडिरहेको आप्रवासी सवार पीक अप गाडीलाई गस्तीमा रहेको टोलीले देखेको मन्त्रालयले जनाएको छ । विज्ञप्तिमा सेनाले विष्फोटको आवाज सुनेपश्चात गोली चलाएको उल्लेख गरिएको छ । गोली प्रहार गर्ने सैनिकलाई भने ड्युटीबाट हटाइएको विज्ञप्तिमा जनाइएको छ ।
पुलिस रिपोर्टका अनुसार चियापासको दक्षिणी क्षेत्रमा भएको घटनामा आर्मी चेकप्वाइन्टमा गाडी नरोकिएपछि त्यसलाई सेनाले पछ्याएको र गोली प्रहार गरेको रोयर्टसले जनाएको छ ।
४ जनाको घटनास्थलमा मृत्यु भएको र घाइते १२ मध्ये २ जनाको अस्पतालमा उपचारको क्रममा मृत्यु भएको हो । बचेका १७ यात्रुलाई आप्रावासी निकायलाई हस्तान्तरण गरिएको छ ।
रक्षा मन्त्रालयले सो घटनाको छानबिन गर्ने जनाएको छ । हरेक वर्ष बस, लरी र ट्रेनमार्फत् मेक्सिको हुँदै आप्रवासी अमेरिका–मेक्सिकोको सीमा पार गर्न प्रयास गर्छन् ।
What's Your Reaction?