प्रिति राई एनएसएलको गुडविल एम्बासडर

काठमाडौं । राष्ट्रिय महिला टोलीकी प्रिति राई एनएसएलको गुडविल एम्बासडर बनेकी छन् । एनएसएलले बिहीबार प्रिति राईलाई औपचारिक रुपमा गुडविल एम्बासडर घोषण गरेको हो ।

प्रितिले एनएसएल सिजन ३ को गुडविल एम्बासडर हुनु पाउँदा निकै खुसी भएको बताइन् ।

‘नेपाल सुपर लिगजस्ता प्रतियोगिताहरु नेपाली खेलकुद क्षेत्रका लागि निकै महत्वपूर्ण छन्,’ भिडिओ सन्देशमा प्रितिले भनिन्, ‘रङ्गशालामा उपस्थिति भई सबैजनाको हौसला बढाई दिन म हार्दिक अनुरोध गर्दछु।’

प्रिति राष्ट्रिय महिला टोलीकी उत्कृष्ट मिडफिल्डरमध्ये एक हुन् । उनी एपीएफबाट घरेलु लिग खेल्छिन् ।