कमल थापा र दीपक सिंहलगायतको रिहाइ माग गर्दै राप्रपा नेपालको काठमाडौंमा राँके जुलुस

काठमाडौं । आफ्ना अध्यक्ष कमल थापा, राप्रपा नेता दीबहादुर सिंहलगायतलाई पक्राउ गरिएको विरोधमा राप्रपा नेपालले आइतबार काठमाडौंका सडकमा राँके जुलुस प्रदर्शन गरेको छ ।

पक्राउ परेका सबैलाई बिनाशर्त तत्काल रिहाइको माग गर्दै विरोध प्रदर्शन गरिएको राप्रपा नेपालका महामन्त्री राजाराम बर्तौलाले जानकारी दिए ।

यसैबीच राप्रपाले पनि राप्रपाका अध्यक्ष थापा र आफ्ना सांसद सिंहलाई बिनाशर्त रिहाइ गर्न माग गरेको छ ।

आइतबार केन्द्रीय कार्यालय, धुम्बाराहीमा बसेको राप्रपाको केन्द्रीय कार्यसम्पादन समितिको आकस्मिक बैठकले यस्तो निर्णय गरेको प्रवक्ता मोहनकुमार श्रेष्ठले जानकारी दिए ।

पक्राउ परेका नेता–कार्यकर्ताको रिहाइ नगरिए राप्रपाले आन्दोलनको थप कार्यक्रम घोषणा गर्ने उनले बताए ।

राप्रपाले भन्यो : कमल थापा र दीपक सिंहलाई बिनाशर्त रिहा नगरे थप आन्दोलन हुन्छ