बीसीबीले भन्यो – हसनले हत्या आरोपमा दोषी प्रमाणित नभएसम्म खेल्न पाउँछन्
काठमाडौं । बंगलादेश क्रिकेट बोर्ड (बीसीबी)ले अलराउन्डर शकिब अल हसनलाई हत्या आरोपको कारण क्रिकेटबाट टाढा राख्ने प्रयासलाई केही समयका लागि रोकेको छ । बोर्डका अध्यक्ष फारुक अहमदले हसनविरुद्धको आरोप प्रमाणित नभएसम्म क्रिकेट खेल्न पाउने बताए । उनले भने, ‘जबसम्म शकिब अल हसन दोषी प्रमाणित हुँदैनन् । त्यतिन्जेल उनले बंगलादेशबाट खेल्नेछन् । हामी उनलाई भारत भ्रमणका […]
काठमाडौं । बंगलादेश क्रिकेट बोर्ड (बीसीबी)ले अलराउन्डर शकिब अल हसनलाई हत्या आरोपको कारण क्रिकेटबाट टाढा राख्ने प्रयासलाई केही समयका लागि रोकेको छ ।
बोर्डका अध्यक्ष फारुक अहमदले हसनविरुद्धको आरोप प्रमाणित नभएसम्म क्रिकेट खेल्न पाउने बताए ।
उनले भने, ‘जबसम्म शकिब अल हसन दोषी प्रमाणित हुँदैनन् । त्यतिन्जेल उनले बंगलादेशबाट खेल्नेछन् । हामी उनलाई भारत भ्रमणका लागि पनि टोलीमा राख्न चाहन्छौं ।’
तीन दिन अघि आइतबार अगस्ट २५ मा बीसीबीलाई कानूनी नोटिसमा बंगलादेशको राष्ट्रिय टोलीबाट साकिबलाई हटाउन र पाकिस्तान भ्रमणबाट फिर्ता गर्न माग गरिएको थियो ।
यसबारे बीसीबी अध्यक्षले एक विज्ञप्ति जारी गर्दै टोलीबाट नहटाउने बताए ।
हाल हसन पाकिस्तान भ्रमणमा रहेको बंगलादेशको टोलीमा छन् । २ टेस्टको सिरिजको दोस्रो खेल अगस्ट ३० बाट रावलपिंडीमा सुरु हुनेछ । बंगलादेशले पहिलो खेलमा १० विकेटले ऐतिहासिक जित दर्ता गरेको छ ।
रफिकुल इस्लामले वकिलमार्फत् यस्तो माग गरेको एनडीटीभीले जनाएको छ । बंगलादेशमा अगस्ट ७ मा भएको विद्यार्थी आन्दोलनको क्रममा छोरा रुबेल गुमाएका इस्लामले हसनसहित पूर्वप्रधानमन्त्री शेख हसिनालगायतविरुद्ध मुद्दा दायर गरेका थिए ।
What's Your Reaction?