एससीटीले ल्यायो ‘तिर्की दाउ : ट्रियल अफर’, ७७७ रुपैयाँसम्म क्यासब्याक पाइने
काठमाडौं । हरितालिका तीज, बडा दशैं तथा शुभ दीपावलीलाई लक्षित गरेर स्मार्टचोइस टेक्नोलोजीज लिमिटेड (एससीटी)ले ‘तिर्की दाउः ट्रियल अफर’ सार्वजनिक गरेको छ । यस, अफर अन्तर्गत एससीटी–यूपीएल डेबिट कार्ड प्रयोगकर्ताले कुनै पनि खरिदमा एइक् मार्फत विद्युतीय कारोबार गर्दा ७७७ रुपैयाँसम्मको क्यासब्याक प्राप्त गर्न सक्नेछन् । हालसम्म एससीटी–यूपीएल डेबिट कार्ड नलिएका ग्राहकले एससीटीसंग आबद्ध बैंक तथा […]
काठमाडौं । हरितालिका तीज, बडा दशैं तथा शुभ दीपावलीलाई लक्षित गरेर स्मार्टचोइस टेक्नोलोजीज लिमिटेड (एससीटी)ले ‘तिर्की दाउः ट्रियल अफर’ सार्वजनिक गरेको छ ।
यस, अफर अन्तर्गत एससीटी–यूपीएल डेबिट कार्ड प्रयोगकर्ताले कुनै पनि खरिदमा एइक् मार्फत विद्युतीय कारोबार गर्दा ७७७ रुपैयाँसम्मको क्यासब्याक प्राप्त गर्न सक्नेछन् ।
हालसम्म एससीटी–यूपीएल डेबिट कार्ड नलिएका ग्राहकले एससीटीसंग आबद्ध बैंक तथा वित्तीय संस्थाहरूमा गएर प्राप्त गर्न सक्नेछन् ।
ग्राहकले यस अवधिमा ६ महिनादेखि प्रयोगमा नल्याएको एससीटी–यूपीएल डेबिट कार्ड प्रयोग गरेमा १११ रुपैयाँको क्यासब्याक र सबै प्रयोगकर्ताले तीन वा सोभन्दा धेरै पटक कारोबार गर्दा ३३३ रुपैयाँ क्यासब्याक प्राप्त गर्न सक्नेछन् । साथै, सात वा सो भन्दा धेरै कारोबार गर्दा ७७७ रुपैयाँ क्यासब्याक पाउन सक्नेछन् ।
हरेक कारोबारको रकम ५०० वा सोभन्दा धेरै हुनपर्नेछ र एउटै टर्मिनलबाट दिनको एकटकको कारोबार मात्र अफरका लागि मान्य हुने कम्पनीले जनाएको छ ।
साथै, भारतमा पनि नेपाली रुपैयाँ ‘२५०० वा सोभन्दा धेरैको कारोबार गरेको खण्डमा नेपाली रुपैयाँ’ २५० को क्यासब्याक प्राप्त गर्न सक्नेछन् ।
अफरको विस्तृत विवरण र सर्त तथा बन्देजहरू एससीटीको आधिकारिक वेबसाइटमा पाउन सकिनेछ । यो अफर यही सेप्टेम्बर १ देखि अक्टोबर ३१ सम्म लागु हुने बताइएको छ ।
What's Your Reaction?