कोशीका मुख्यमन्त्री कार्कीले पाए विश्वासको मत
काठमाडौं । कोशी प्रदेशका मुख्यमन्त्री हिक्मतकुमार कार्कीले विश्वासको मत प्राप्त गरेका छन् । बुधबार प्रदेश सभा बैठकमा भएको मतदानमा कार्कीको पक्षमा ६६ मत खसेको छ । विपक्षमा १५ मत खस्यो । दुई सांसद मत विभाजन प्रक्रियामा सहभागी भएनन् । त्यसपछि सभामुख अम्बरबहादुर विष्टले कार्कीले विश्वासको मत पाएको घोषणा गरे । वैशाख २७ गते संविधानको धारा […]
काठमाडौं । कोशी प्रदेशका मुख्यमन्त्री हिक्मतकुमार कार्कीले विश्वासको मत प्राप्त गरेका छन् ।
बुधबार प्रदेश सभा बैठकमा भएको मतदानमा कार्कीको पक्षमा ६६ मत खसेको छ । विपक्षमा १५ मत खस्यो । दुई सांसद मत विभाजन प्रक्रियामा सहभागी भएनन् ।
त्यसपछि सभामुख अम्बरबहादुर विष्टले कार्कीले विश्वासको मत पाएको घोषणा गरे ।
वैशाख २७ गते संविधानको धारा १६८ को उपधारा ५ अनुसार मुख्यमन्त्री बनेका कार्कीले ३१ वैशाखमा विश्वासको मत लिएका थिए ।
तर, सरकारलाई समर्थन गरेको माओवादी केन्द्रले १४ भदौमा समर्थन फिर्ता लिएपछि मुख्यमन्त्री कार्कीले आज पुन: विश्वासको मत लिएका हुन् ।
What's Your Reaction?
