‘यो बुलको पहिलो करेक्सन हो, आत्तिनुपर्दैन’- जय शम्भो

काठमाडौँ । सेयर बजारका प्राविधिक विश्लेषक अजयसिंह थापा (जय शम्भो)ले अहिलेको बजार करेक्सन सामान्य भएको बताएका छन् । अर्थ सरोकार डटकमको टेलिभिजन कार्यक्रम ‘सेयरबाणी’मा बोल्दै थापाले यस्तो बताएका हुन् ।

सेयर बजारमा बुल सुरु भएपछि पहिलोपटक करेक्सन आएकोले यो सामान्य करेक्सन भएको थापाको भनाई छ ।

‘यसअघि बजारमा जुन र्याली आयो १००० अंकको, यो पहिलो र्याली हो ।’, उनले भने, ‘बुल बजारमा यस्तो र्याली ४-५ वटा आउँछ । अहिलेको करेक्सन पहिलो र्यालीमा हो र एउटै र्यालीमा मार्केट सक्कियो, बुल सक्कियो भन्न मिल्दैन । यो स्वभाविक करेक्सन हो, सामान्य हो ।’

त्यस्तै, उनले दशैँ नजिकिँदै गर्दा धेरैले खर्च बुक गर्ने भएकाले पनि र बजारमा प्रफिट बुक गर्नेहरुका कारणले पनि बजारमा करेक्सन देखिएको बताएका छन् । तर, प्राविधिक रुपमा बजारले दशैँअघिनै नयाँ हाईब्रेक गर्ने सम्भावना देखिएको थापाले बताएका छन् । थापासँग गरिएको थप कुराकानी भिडियोमा हेर्नुहोस्ः