संसद्‌मा रास्वपा- बचतकर्ताको बचत सुरक्षित हुन्छ भनेर संसदीय समिति बनाउन राजी भएका थियौँ

काठमाडौं । राष्ट्रिय स्वतन्त्र पार्टी (रास्वपा) ले आफूविरुद्ध मिडिया ट्रायल सुरु भएको बताएको छ ।

सोमबार बसेको प्रतिनिधिसभा बैठकको विशेष समितिमा बोल्दै रास्वपा सांसद डीपी अर्यालले यस्तो बताएका हुन् ।

“हिजोबाट हामीविरुद्ध, रास्वपाविरुद्ध मिडिया ट्रायल सुरु भयो,” उनले भने ।

उनले अगाडि भने, “केही समयअघि माननीयज्यूहरूले पाखुरा सुर्काउँदै संसदीय छानबिन समिति गठनको माग गर्नुभयो । बचतकर्ताको बचत फिर्ता गर्नका लागि सहयोग पुग्छ भन्ठान्यौँ र समिति गठनका लागि राजी भयौँ । तर, हिजोबाट त्यही सन्दर्भमा हाम्रैविरुद्ध मिडिया ट्रायल सुरु भयो ।”

उनले नेपाली कांग्रेसका उपसभापति धनराज गुरुङविरुद्ध पनि छानबिन हुनुपर्ने बताए । “अहिले त प्रमाणैप्रमाण छ, ज-जसको नाम आएको छ,” उनले भने, “सबैविरुद्ध छानबिन हुनुपर्छ ।”

• सम्बन्धित समाचार

संसदीय समितिको प्रतिवेदनमा सातै सदस्यले गरे हस्ताक्षर