पेजर विस्फोट हुँदा एक बालकसहित नौ जनाको मृत्यु, झण्डै तीन हजार घाइते

लेबनान । हिजबुल्लाका सदस्यहरूले सञ्चारका लागि प्रयोग गर्ने ह्याण्डहेल्ड पेजर विस्फोटबाट एक बालकसहित नौ जनाको मृत्यु भएको छ।

लेबनानको स्वास्थ्य मन्त्रीका अनुसार बेरुत र अन्य क्षेत्रमा भएका विस्फोटमा इरानका लागि लेबनानका राजदूत सहित २ हजार ८०० अन्य व्यक्ति घाइते भएका छन्।

इरानद्वारा समर्थित हिजबुल्लाले भनेको छ – ती पेजरहरू विभिन्न हिजबुल्ला युनिट र संस्थाका कर्मचारीहरूका थिए । यो आक्रमणलाई आपराधिक आक्रमण भनेको छ भने न्यायपूर्ण बदला लिने वाचासमेत गरेको छ। यस घटनाबारे इजरायली सेनाले टिप्पणी गर्न अस्वीकार गरेको छ।

विस्फोट हुनु केही घण्टा अघि, इजरायलको सुरक्षा क्याबिनेटले देशको उत्तरमा भएका हिजबुल्लाका आक्रमणहरू रोक्ने र विस्थापित नागरिकहरूलाई सुरक्षित रूपमा घर फर्काउने युद्धको आधिकारिक लक्ष्य रहेको घोषणा गरेको थियो। ७ अक्टोबरमा गाजामा इजरायल र हमासबीच युद्ध सुरु भएयता इजरायल–लेबनान सीमामा लगभग दैनिक झडपहरू हुँदै आएका छन्।

हिजबुल्लाले भनेको छ – यसले इरान–समर्थित प्यालेस्टिनी समूहको समर्थनमा काम गरिरहेको छ। इजरायल, बेलायत र अन्य देशहरूले दुबैलाई आतंककारी संगठनको रूपमा सूचीकृत गरेका छन्।

संयुक्त राष्ट्रसंघका प्रवक्ताले लेबनानमा भएका पछिल्ला घटनाहरूलाई अत्यन्तै चिन्ताजनक भनेका छन् ।

यो घटना अकल्पनीय आकार र प्रकृतिको भएकाले धेरै लेबनानीहरू मंगलबार साँझमा आक्रोश र अविश्वासको स्थितिमा थिए ।

मोबाइल फोनहरू ह्याक वा ट्र्यक हुने जोखिमको कारण हिजबुल्लाले समूहले सञ्चारको लागि व्यापक रूपमा पेजरहरू प्रयोग गर्दछ ।

अपराह्न राजधानी बेरूत र अन्य धेरै क्षेत्रमा विस्फोट भएको जनाएको छ। एक सीसीटीभी भिडियोले सुपरमार्केटमा एक व्यक्तिको झोलामा वा खल्तीमा भएको विस्फोट देखाएको छ।

ती व्यक्ति जमिनमा पछारिँदै चिच्याइरहेको देखिन्थ्यो । अन्य किनमेल गर्नेहरू भागिरहेका थिए। केही घण्टा पछि, एम्बुलेन्सहरू अझै पनि घाइतेहरूको ठूलो संख्याका कारण अस्पतालहरूतर्फ दौडिरहेका थिए । तीमध्ये २०० जना गम्भीर अवस्थामा रहेको स्वास्थ्य मन्त्रीले बताए।

बीबीसीका अनुसार अधिकांश मानिसमा कम्मर, अनुहार, आँखा र हातको भागमा चोट लागेका थिए । धेरैले औंलाहरू गुमाएका छन् ।

हिजबुल्लाको मिडिया अफिसले आठ लडाकुहरूको मृत्यु भएको घोषणा गरेको छ। स्थान र परिस्थितिका बारेमा जानकारी नदिए पनि यरूशलेमको बाटोमा सहिद भएको भनेको छ। समाचार एजेन्सीका अनुसार हिजबुल्लाका सांसद अली अमारका छोरा र बेक्का उपत्यकामा हिजबुल्ला सदस्यका १० वर्षीया छोरी मारिएका छन् ।

यूकेस्थित सिरियन अब्जरभेटरी फर ह्युमन राइट्सका अनुसार लेबनानको छिमेकी सिरियामा पेजर विस्फोटका कारण १४ जना पनि घाइते भएका छन्, जहाँ हिजबुल्ला सरकारी फौजसँगै लडिरहेको छ ।

लेबनानका प्रधानमन्त्री नजिब मिकातिले विस्फोटहरूको लागि इजरायललाई दोष दिएका छन् । उनीहरूले लेबनानी सार्वभौमिकताको गम्भीर उल्लङ्घन र सबै कारण अपराध भएको गरेको बताएका छन्।

इरानी विदेशमन्त्री अब्बास अराघचीले आफ्नो लेबनानी समकक्षलाई इजरायली आतंकवादको कडा रूपमा निन्दा गरेको बताएका छन्।

इजरायलको सबैभन्दा नजिकको सहयोगी अमेरिकाले कुनै संलग्नता अस्वीकार गर्दै इरानलाई तनाव नबढाउन आग्रह गरेको छ।

एक पूर्व ब्रिटिश सेनाका विस्फोटक विज्ञले बीबीसीलाई भनेका छन् – पेजरहरू सम्भवतः १० ग्रामदेखि २० ग्रामसम्मको उच्च विस्फोटक पदार्थले भरिएका थिए । जुन नक्कली इलेक्ट्रोनिक कम्पोनेंट भित्र लुकाइएको थियो।

इजरायली सेनाले मंगलबार साँझ जारी गरेको वक्तव्यले पेजर विस्फोटबारे कुनै टिप्पणी गरेको छैन, तर प्रमुख कर्मचारी लेफ्टिनेन्ट जनरल हेरजी हलेवीले कमाण्डरहरूसँग अवस्थाको मूल्याङ्कन गरेका छन्, जसले सबै क्षेत्रमा आक्रमण र प्रतिरक्षामा तयारी मा ध्यान केन्द्रित गरेको बताए।