डिशहोमले ल्यायो नयाँ योजना, वार्षिक रिचार्ज वा नयाँ कनेक्सन गर्दा थप तीन महिना बोनस पाइने

काठमाडौँ । डिशहोमले चाडपर्वको अवसर पारेर आफ्नो इन्टरनेट जोड्ने नयाँ ग्राहकहरुको लागि ‘खुशीको सेलीब्रेसन’ योजना घोषणा गरेको छ । डिशहोम इन्टरनेटको गुणस्तरीय सेवा प्रयोग गरि संसारभर छरिएर रहेका आफन्तसँग सम्बन्ध अझ प्रगाढ बनाउनको लागि डिशहोमले यस्तो योजना घोषणा गरेको हो ।

यस योजना अन्तर्गत २०० तथा ३०० एमबीपीएसको वार्षिक रिचार्ज वा नयाँ कनेक्सन गर्दा थप तीन महिना बोनस ग्राहकहरुलाई प्रदान गर्न लागेको जनाएको छ । यस खुशीको सेलीब्रेसन योजनाको लाभ उठाउन ग्राहकहरुले नजिकको डिशहोम डिलर दाई वा हट लाईन नम्वरमा सम्पर्क गर्न सक्नेछन् ।

स्थापनाको छोटो अवधिमै साँढे ३ लाख बढी ग्राहकहरुलाई इन्टरनेट सेवा दिंदै आएको भन्दै कम्पनीले डिशहोम इन्टरनेट ग्राहकहरुको प्रमुख रोजाइमा पर्ने गरेको दाबी गरेको छ।