कोशीले बागमतीलाई दियो ६४ रनको लक्ष्य, मनिषाको ह्याट्रिक विकेट

काठमाडौं । महिला प्रधानमन्त्री कपमा कोशी प्रदेशले बागतमीलाई ६४ रनको लक्ष्य दिएको छ ।

धनगढीस्थित फाप्ला क्रिकेट मैदानमा जारी खेलमा कोशीले निर्धारित १३ ओभरमा ७ विकेटको क्षतिमा ६३ रन बनाएको हो ।

कोशीका लागि विमला मलाहा १९ रनमा अविजित रहिन् । कप्तान रुबिना क्षेत्रीले १५ रन बनाइन् । अन्य खेलाडीले दोहोरो अङ्कको रन बनाउन सकेनन् ।

बागमतीका लागि मनिषा उपाध्यायले ४ विकेट लिइन् । सो क्रममा उनले ह्याट्रिक विकेट पनि लिइन् ।उनले ९.२ ओभरमा लकिता राजवंशी, ९.३ मा टिका शाह र ९.४ मा सानु राजवंशीलाई आउट गरिन् । मनिषाले ५.४ ओभरमा काजल श्रेष्ठलाई आउट गरिन् ।

पूजा साउद, विपिशा शाही र संस्कृति फुयालले १–१ विकेट लिइन् ।