अर्थमन्त्री पौडेल र पोखराका मेयर आचार्य कीर्तिपुर अस्पतालमा भर्ना

काठमाडौं । पोखरा भ्रमण वर्ष २०२५ को घोषणा समारोहमा बेलुन पड्किएर घाइते भएका उपप्रधानमन्त्री एवं अर्थमन्त्री विष्णुप्रसाद पौडेल र पोखराका मेयर लाई थप उपचारका लागि कीर्तिपुर अस्पतालमा भर्ना गरिएको छ ।

उपप्रधानमन्त्री पौडेलका प्रेस संयोजक भुवन केसीका अनुसार पौडेल र आचार्यलाई थप उपचारका लागि कीर्तिपुरस्थित बर्न अस्पतालमा भर्ना गरिएको हो ।

शनिबार पोखरा महानगरले आयोजना गरेको पोखरा भ्रमण वर्ष घोषणा समारोहलाई उद्घाटन गर्न पुगेका अर्थमन्त्री पौडेल बेलुन पड्किएर घाइते भएका थिए ।

रिमोर्टबाट दीप प्रज्वलनपछि बेलुन उडाउने क्रममा आगोको ज्वालाले बेलुनमा टिपेपछि बेलुन पड्किएको थियो । बेलुनको आगोका कारण अर्थमन्त्री पौडेल र महानगर प्रमुख आचार्य घाइते भएका थिए । अर्थमन्त्री पौडेललाई उपचारका लागि गण्डकी मेडिकल कलेज शिक्षण अस्पताल लगिएकोमा थप उपचारका लागि काठमाडौँको कीर्तिपुरस्थित अस्पतालमा लगिएको नेपाल कम्युनिष्ट पार्टी (एमाले) कास्कीका अध्यक्ष बैनबहादुर अधिकारी क्षेत्रीले जानकारी दिए ।