बालेनको पुर्ख्यौली घरबाट प्रचण्डको अपिल – प्रत्यक्ष निर्वाचित राष्ट्रपति लागू गर्न अघि बढौं

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रत्यक्ष निर्वाचित राष्ट्रपति लागू गर्नका लागि अघि बढ्न अपिल गरेका छन् ।

जनतासँग माओवादी तराई-मधेस जागरण अभियानअन्तर्गत महोत्तरीको एकडारा गाउँपालिकामा आयोजित कार्यक्रमलाई सम्बोधन गर्दै उनले यस्तो धारणा रखेका छन् ।

काठमाडौं महानगरपालिकाका प्रमुख बालेन्द्र शाह (बालेन)को पुर्ख्यौली घरमा रहेको कार्यक्रम स्थलबाट प्रचण्डले भने, “पहिचानको मुद्दा बोक्ने पार्टी माओवादी नै हो । हामी संविधान परिमार्जनका लागि लागेका छौं । त्यसमा जनताको साथ पाउनेमा ढुक्क छु ।”

उनले थपे, “प्रत्यक्ष निर्वाचित कार्यकारी राष्ट्रपति र पूर्ण समानुपातिक निर्वाचन प्रणाली लागू गर्नका लागि बढौँ भन्नका लागि हामी तपाईंहरुलाई अपिल गर्नेछौँ । त्यतिबेला तपाईंहरुको साथ हुने विश्वास व्यक्त गर्दछु ।”

यसअघि जागरण अभियानको क्रममा मोरङमा ‘प्रचण्ड’ले स्वतन्त्र रुपमा चुनाव जितेर आएका बालेन प्रत्यक्ष राष्ट्रपति निर्वाचित हुँदा केही फरक नपर्ने बताएका थिए ।

प्रचण्ड भन्छन् – बालेन प्रत्यक्ष राष्ट्रपति निर्वाचित भएर आए पनि फरक पर्दैन