जय शाह बने आईसीसीको अध्यक्ष
काठमाडौं । अन्तर्राष्ट्रिय क्रिकेट काउन्सिल (आईसीसी)को अध्यक्षमा जय शाह निर्वाचित भएका छन् । ३५ वर्षीय शाह निर्विरोध निर्वाचित भएका हुन् । आईसीसी अध्यक्ष पदमा उम्मेदवारी दर्ता गर्ने अन्तिम मिति अगस्ट २७ सम्म थियो । उक्त पदका लागि शाहबाहेक कसैले उम्मेदवारी दिएका थिएनन् । शाह हाल आईसीसीको वित्त तथा वाणिज्य उपसमितिको सदस्य पनि छन् । उनले […]
काठमाडौं । अन्तर्राष्ट्रिय क्रिकेट काउन्सिल (आईसीसी)को अध्यक्षमा जय शाह निर्वाचित भएका छन् । ३५ वर्षीय शाह निर्विरोध निर्वाचित भएका हुन् ।
आईसीसी अध्यक्ष पदमा उम्मेदवारी दर्ता गर्ने अन्तिम मिति अगस्ट २७ सम्म थियो । उक्त पदका लागि शाहबाहेक कसैले उम्मेदवारी दिएका थिएनन् । शाह हाल आईसीसीको वित्त तथा वाणिज्य उपसमितिको सदस्य पनि छन् ।
उनले आईसीसीका वर्तमान अध्यक्ष ग्रेग बार्कलेको ठाउँमा जे डिसेम्बर १ मा अध्यक्षको पदभार ग्रहण गर्नेछन् । उनी हाल भारतीय क्रिकेट कन्ट्रोल बोर्ड (बीसीसीआई)का सचिव छन् ।
बीसीसीआईले अब सचिव पदमा नयाँ नियुक्ति गर्नुपर्नेछ । अरुण जेटलीका छोरा तथा दिल्ली क्रिकेट संघ (डीडीसीए)का अध्यक्ष रोहन जेटली बीसीसीआईको नयाँ सचिव बन्न सक्नेछन् ।
आईसीसीका वर्तमान अध्यक्ष न्युजिल्यान्डका बार्कलेको कार्यकाल नोभेम्बर ३० मा सकिँदैछ । आईसीसीले अगस्ट २० मा बार्कले लगातार तेस्रो पटक अध्यक्ष बन्न नसक्ने बताएको थियो । उनी सन् २०२० देखि यो पदमा छन् ।
What's Your Reaction?
