देउवालक्षित भीम रावलको टिप्पणी – मञ्चबाटै गाली गर्नु मौलिक अधिकारको उल्लङ्घन

काठमाडौं । नेकपा एमालेका नेता डा. भीम रावलले टुँडिखेलमा प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाविरुद्ध नाराबाजी गरेको आरोपमा पक्राउ गर्नु मौलिक अधिकारको उल्लङ्घन भएको बताएका छन् ।

सोमबार गौरा पर्वको अवसरमा टुँडिखेलमा आयोजित कार्यक्रममा नाराबाजी गरेको आरोपमा प्रहरीले तीन जनालाई पक्राउ गरेको छ । उक्त कार्यक्रममा रावल पनि उपस्थित थिए ।

देउवाले सम्बोधन गर्न मञ्चतर्फ गइरहेका देउवाविरूद्ध दर्शकदिर्घाले चर्को नारा लगाएका थिए । दर्शकदिर्घाले देउवाविरूद्ध ‘देश छोड’को नारा लगाएका थिए । विरोधकाबीच सम्बोधन गरेका देउवाले ‘यही हो संस्कृती, लाज छैन’ भन्दै झपारेका थिए ।

आफूविरूद्ध नारा लगाएपछि झपार्दै देउवाले भने- लाज छैन, बदमासहरू !

नाराबाजी गरेको भनी नेताले मञ्चबाटै गाली गर्नु मौलिक अधिकारको उल्लङ्घन भएको उनको भनाइ छ ।

नाराबाजी गर्दा पक्राउ : अधिकारकर्मी भन्छन्- सरकार तानाशाही बाटोमा लाग्यो

उनले सामाजिल सञ्जालमा लेखेका छन्, ‘टुंडिखेलमा नाराबाजी गरेको भनी नेताले मञ्चबाटै गाली गर्नु र पछि गिरफ्तार गराउनु संविधानले दिएको मौलिक अधिकारको उल्लङ्घन हो । जनताले विरोध र आलोचना किन गरेछ भनी आफुलाई बुझ्ने जनमुखी ठहरिन्छ भने दमनमा उत्रिने निरंकुश स्वेच्छाचारी।जनआक्रोशको कारण र समाधान खोज्नु जिम्मेवारको कर्तब्य हो।’