यस्तो गाउँ जहाँ कुकुर बिरालो होइन, सर्प पालिन्छ

काठमाडौं । विभिन्न देश र ठाउँ अनुसार त्यहाँको परिवेश, संस्कृति र रीतिरिवाज फरक-फरक हुन्छ । यस्तै, एउटा फरक गाउँ छ, जहाँको चलन अरूको भन्दा निकै फरक छ । जहाँ प्रत्येक घरका मानिसले सर्प पाल्ने गर्छन् ।

यो गाउँ हो, भारतको महाराष्ट्रको शेतफल गाउँ हो, जुन आफैँमा एउटा रहस्य जस्तै छ । यहाँ घरहरूमा मानिसहरूले कुकुर वा बिरालो होइन, बरु कोब्रा सर्प पाल्छन् र तिनीहरूलाई आफ्नो परिवारको हिस्सा मान्छन् ।

सर्पहरूको गाउँ

शेतफल गाउँ महाराष्ट्रको सोलापुर जिल्लामा अवस्थित छ । यस गाउँमा जानुभयो भने तपाईंले लगभग प्रत्येक घरमा सर्पहरू देख्न सक्नुहुन्छ । यी सर्पहरू केवल घरहरूमा मात्र होइन, खेतहरूमा, रूखहरूमा र यहाँसम्म कि सुत्ने स्थान भित्र पनि पाइन्छ ।

गाउँलेहरू यी सर्पहरूबाट बिल्कुलै डराउँदैनन्, बरु खेल्छन् र दूध पनि खुवाउँछन् । शेतफल गाउँका मानिसहरूको विश्वास छ कि सर्प भगवान शिवको प्रतीक हुन्, त्यसैले उनीहरू सर्पहरूको पूजा गर्छन् र तिनीहरूलाई आफ्नो परिवार मान्छन् । गाउँमा धेरै मन्दिरहरू पनि छन् जहाँ सर्पहरूको पूजा गरिन्छ ।

रिपोर्टका अनुसार उनका पूर्वजहरूले सर्पहरू पाल्न सुरु गरेका थिए । त्यस बेलादेखि यो परम्परा पुस्तौँदेखि चल्दै आएको छ । गाउँलेहरू सर्पहरूलाई समात्न र पाल्न राम्ररी जान्दछन् । सर्पहरूलाई कसरी सम्हाल्ने भन्ने कुरा मानिसहरूले बाल्यकालमै सिक्छन् ।