सरकारको काम सन्तोषजनक छैन : पूर्वउपप्रधानमन्त्री लामिछाने
काठमाडौं । पूर्वउपप्रधानमन्त्रीसमेत रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले वर्तमान सरकारको काम सन्तोषजनक नरहेको बताएका छन् । आइतबार सुदूरपश्चिम प्रदेशको विस्तारित बैठकमा सहभागी हुन धनगढी पुगेका लामिछानेले विमानस्थलमा पत्रकारहरूसँग कुराकानी गर्दै यस्तो बताएका हुन् । “सरकारको काम सन्तोषजनक त छैन तर, हामी १०० दिनको समय दिन्छौँ,” उनले भने, “अहिले हेरिरहेका छौँ । १०० […]
काठमाडौं । पूर्वउपप्रधानमन्त्रीसमेत रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले वर्तमान सरकारको काम सन्तोषजनक नरहेको बताएका छन् ।
आइतबार सुदूरपश्चिम प्रदेशको विस्तारित बैठकमा सहभागी हुन धनगढी पुगेका लामिछानेले विमानस्थलमा पत्रकारहरूसँग कुराकानी गर्दै यस्तो बताएका हुन् ।
“सरकारको काम सन्तोषजनक त छैन तर, हामी १०० दिनको समय दिन्छौँ,” उनले भने, “अहिले हेरिरहेका छौँ । १०० दिन पूरा भएपछि बोल्छौँ । सरकारले राम्रो गरोस् भन्ने चाहना छ । तर, त्यसखाले छनकचाहिँ देखिएको छैन ।”
फरक प्रसङ्गमा उनले सहकारी ठगी प्रकरणमा मा अरुले गरेको बदमासीको भारी आफैँले मात्रै नबोक्ने बताए ।
“म भएको बेला पैसा आएको भएर जिम्मेवारी लिनुपर्छ भन्नुभएको छ । म भएको बेला पैसा ल्याउने मान्छे को हो ? म भएकै बेलामा कसले ल्यायो । कसरी मिलेमतो थियो भन्ने सबै कुरा प्रहरी प्रतिवेदनमा उल्लेख छ । अरुको बदमासीको भारी म बोक्दिनँ,” उनले भने ।
अगाडि उनले भने, “अदालतमा मुद्दा जाँदा प्रतिवादी कायम भएका छन्, बिगो कामय भएको छ । कसले गलत काम गरेर त्यो पैसा सहकारीबाट गोरखा मिडियालगायतका ठाँउमा गएको भनेर सार्वजनिक भएको हो । त्यसमा रवि दोषी छ कि छैन भन्नेमा त्यसमा मैले चुनौतीका साथ भनेको छु, मलाई प्रमाणित गरिदिनुस् ।”
What's Your Reaction?